Laris e spaçadôrs arestâts a Udin de Polizie

A son sîs lis personis fermadis e manetadis de Polizie di Stât di Udin intes setemanis passadis par varis reâts. Tra i proviodiments fats, ancje doi mandâts di arest european viers di ancjetancj citadins colombians di 24 agns, un om e une femine, responsabii di cualchi robarie tra la provincie udinese e chê gurizane. Une tierce femine colombiane, condanade par robarie in Italie, e je stade cjatade ancje cheste in Spagne, intant che un citadin pakistan di 33 agns cence cjase al è stât arestât dopo une condane a 8 mês par spaç di sostancis stupefacentis. Manetis ancje par un citadin talian di 57 agns che al à di scontâ 2 agns e 6 mês di reclusion simpri par une serie di reâts che a rivuardin la droghe e un ghanês di 28 agns, cjatât e carcerât in regjim di semi-libertât dopo de condane a 2 agns di reclusion par detenzion di sostancis stupefacentis e violence sessuâl. (a.d.g.) – 14.12.2023