Laris in azion a Tresesin inte matinade

Zoiis di aur par cualchi miâr di euros e un revolvar. Al è il botin di une robarie intune abitazion sucedude vuê di buinore a Tresesin. Obietîf dai laris, la cjase di un imprenditôr di 55 agns, visitade tra lis 10 e 45 e lis 12 e 15. I malvivents a son jentrâts sfuarçant une puarte-barcon e si son imparonâts dai preziôs e di une cassele di metal li che e jere la arme.

Sul puest i carabinîrs de stazion di Remanzâs. (a.d.g.) – 30.08.23