Robarie dopo dal crevon cuntune manarie inte sale slot Fortuna di vie Olivetti a Flumisel-Vile Visentine. Tor des 3.40 di gnot trê delincuents cu la muse cuvierte a àn sfondrât une des puartis di jentrade de ativitât gjestide di une citadine cinese e in pôcs minûts a àn sfuarçât 17 slot machine su lis 40 presints inte sale.
Des cassetis indulà che a tignivin i bêçs a son stâts puartâts vie 7 mil euros. A saressin forsit stâts di plui, ma i laris a àn scugnût scjampâ disturbâts dal sisteme di alarme e de rivade svelte di une patulie de vigjilance privade Mondialpol, ostacolade di vâs e tocs di tronc butâts dai criminâi denant de jentrade.
Sul puest ancje i carabinîrs dal Nucleo radiomobile di Palme, ma magari cussì no i laris e jerin aromai za scjampâts. Lis investigazions lis fasin i carabinîrs che a stan controlant ancje lis ripresis dal sisteme di videocontrol dentri dal locâl. (a.d.g.) 10.05.2024
