Laris in azion intes buteghis di Tumieç

Schirie di robariis a Tumieç dulà che a son stadis cjapadis di smire, vie pe gnot, cuatri ativitâts comerciâls. I laris a son jentrâts intes pizariis Special e Al Cavallino, indulà che a son stâts puartâts vie 900 e 2.200 euros, intant che inte buteghe “l’Intimo” il botin al è stât di 1.500 euros. Dome tentade, invezit, la robarie ae pizarie Ai Portici. Lis investigazions a son fatis dai Carabinîrs di Tumieç. (A.D.G.) – 08.07.2022