Laris in azion te filiâl de Civibank di Buie

Laris a son jentrâts inte filiâl de Civibank di Buie, vie pe gnot tra Pasche e lunis di Pasche, puartant vie miârs di euros. I delincuents, forsit doi o trê, a son jentrâts te bancje dopo jessi vignûts ju’ dal cuviert e jessint jentrâts inte pizarie dongje.

Di li, dopo vê sbusât il mûr, a son lâts dentri te bancje indulà che a àn lavorât cence che nissun al podès inacuarzisi di nuie, svuedant la cassefuart dal istitût di credit.

Grancj i dams ae struture e passe 70 mil i euros puartâts vie. Lis investigazions lis stan fasint i carabinîrs. (a.d.g.) – 02.04.2024