L’auto al finìs intal canâl Ledre a Buie

Un om di setantesiet agns, inte prime serade di îr, al à pierdût il control dal auto e al è finît intal canâl Ledre a Buie, in localitât Andreuce. Il vuidadôr – cemût che e riferìs la Sores – al è stât socorût dal personâl medic infermieristic. Sul puest i Carabinîrs de Compagnie di Tumieç.

Mandât sul puest l’ecuipaç di une ambulance di S. Denêl, l’elisocors e lis Vuardiis dal Fûc (Comant di Udin e i volontaris di S. Denêl). L’om, restât ferît, al è stât traspuartât in elicotar in codiç zâl al ospedâl Sante Marie de Misericordie di Udin. (A.D.G.) – 05.04.2023