I carabinîrs dal Nucleo Ispettorato del Lavoro di Udin a àn sospindût cuatri ativitâts in provincie di Udin par problemis su la sigurece e la presince di lavoradôrs no in regule. Si trate di trê esercizis publics e di une aziende agricule.
In dut i carabinîrs a àn fat sanzions par plui di 150 mil euros. Lis plui grivis, di passe 40 mil euros, a un bar che al vent ancje tabacs indulà che al è stât cjatât un assegnât fûr regule sui doi presints. Cun di plui a son stadis cjatadis ancje violazions grivis aes normis su la sigurece che a àn causât la sospension de ativitât.
Simpri intun altri bar, di Tavagnà, al è stât cjatât un lavoradôr in neri sui trê presints in chel moment (sospension e 35 mil euros di multe).
Sospension e 20 mil euros di multe ancje par une aziende agricule di Bicinins indulà che un lavoradôr sui trê presints al jere in neri. (a.d.g.) – 09.04.2024
