Lavoradôrs in neri e pumars di cjan in vendite di scuindon. Multe pesante a un imprenditôr

Scuviert dai agjents de Vuardie di finance de compagnie di S. Vît dal Tiliment, un espositôr che dilunc dal apontament Esotika Pet Show inte Fiere di Pordenon al vendeve di scuindon pumars di cjan in violazion dal regolament fieristic.

L’espositôr, titulâr di un bancut, al à cjapât une multe une vore pesante. I financîrs a àn ancje scuviert, cun di plui des iregolaritâts de vendite dai pumars, che il titulâr al doprave trê lavoradôrs in neri, ducj talians. Par chest al imprenditôr e je stade notificade une sanzion grivie. (a.d.g.) – 02.12.2024