A son ben vot i lavoradôrs in neri scuvierts dilunc dai controi fats da financîrs di Pordenon e S. Vît dal Tiliment inte fin passade de setemane: un intun ristorant etnic de capitâl, cuatri intune ativitât imprenditoriâl impegnade inte rassegne “gli ambulanti di Forte dei Marmi”, inmaneade domenie in Fiere a Pordenon, e trê impleâts di une societât par lavorazions agriculis inte zone di Vivâr.
In chest ultin câs, il control al è partît dopo la segnalazion di un financîr che, libar dal servizi, al veve viodût un grup fis di lavoradôrs impegnâts tal lavorâ un cjamp, che però a jerin lâts vie ae rivade des patuliis in uniformi.
Viers dai trê imprenditôrs, di là des sanzions aministrativis e ae maxi – sanzion pal implei di lavoranzie cence la assunzion regolâr, e je stade disponude la sospension de ativitât pal ûs di personâl in neri in misure superiôr al 10% dal totâl dai lavoradôrs regolârs.
Intal cors dai controi in Fiere a son, cun di plui, stadis contestadis, viers di trê diviersis ativitâts comerciâls, cuatri violazions pe mancjade memorizazion dai corispetîfs. (A.D.G) – 17.01.2023
