Liliana Resinovich batude e dopo scjafoiade

Il cuarp di Liliana Resinovich “Al mostrave colps al cjâf, ae man diestre e in altris bandis che a àn causât cetantis contusions cerebrâls pôc prin e si pense che e fos scjafoiade”.

Al è in struc ce che al è scrit de perizie fate dai esperts sul cuarp de puare femine cjatade muarte a Triest. La perizie e lasse fûr la pussibilitât che lis feridis a sedin stadis fatis par cause di une cjadude acidentâl e che la femine e sedi muarte intune altre zornade a pet di chê indulà che e je sparide.

In fin, pai esperts “No son elements sientifics che a supuartin la tesi che la femine si sedi copade”. (a.d.g.) – 06.03.2025