“La ipotesi dal suicidi e je taiade fûr”. Lu àn dit i avocats Federica Obizzi, legâl di Veronica Resinovich, e Alice Bevilacqua legâl di Sebastaino Visentin, che a àn confermât che la perizie fate de antropolighe forense Cristina Cattaneo, dai miedis legâi Stefano Tambuzzi e Biagio Eugenio Leone e dal entomolic Stefano Vani e taie fûr la pussibilitât di un mot volontari de femine cjatade muarte a Triest e che invezit si fevele di omicidi.
Dopo trê dîs dal dipuesit de perizie domandade de Procure de Republiche, i avocats a àn podût lei il document in spiete di vê une copie. L’avocat Obizzi che al assist la gnece di Liliana al à spleât che “cence volê anticipâ conclusions une vore lungjis e articoladis, o pues confermâ che la muart di Liliana Resinovich e je leade a compuartaments di altris”. (a.d.g.) – 04.03.2025
