Chest an lis licuidazions estivis in Friûl-Vignesie Julie a tacaran ai 6 di Lui e a finiran ai 30 di Setembar, tant che intal rest de Italie.
Lu à decidût la Zonte Regjonâl inte riunion di vuê. “Ancje la nestre Regjon – al à dit l’assessôr regjonâl aes Ativitâts produtivis e Turisim Sergio Emidio Bini – dopo jessisi confrontade cui rapresentants des associazions di categorie dal setôr, o sedi Confcommercio, Confesercenti e Federdistribuzione, e à acetât la propueste saltade fûr intal ambit de Conference des Regjons e Provinciis autonomis di posticipâ di cualchi dì il principi des venditis di fin stagjon”.
Il proviodiment al à nature transitorie e si apliche in maniere esclusive par chest an, stant che la normative di cumò e permet ae Zonte di cambiâ il periodi fissât pes licuidazions estivis de leç regjonâl, previodût di norme de prime sabide di Lui ai 30 di Setembar. (A.D.G.) – 05.05.2023
