Machine capotade tal centri di Buie

Incident vuê di matine a Buie tor lis nûf, denant dal municipi e trafic blocât par cualchi ore. Par causis sot investigazion de bande de Polizie locâl, dôs autos si son dadis dentri. Une Lancia cun dentri une mari cul so piçul e stave par svoltâ a çampe di vie Divisione Julia bande vie Vidoni cuant che e je stade sorpassade di corse di une Fiat Panda vuidade di un om di 75 agns, resident a Buie. Daspò dal bot la Fiat si è capotade e il vuidadôr al è restât blocât dentri.

Sul puest a son rivâts daurman i pompîrs e il personâl sanitari dal 118, che a àn tirât fûr l’om de auto e lu àn cjamât sul elicotar, che lu à puartât tal ospedâl di Udin, ma nol sarès in pericul di vite. (a.d.g.) – 11.10.2024