Machine distrute dopo vê invistît un cierf a Budoie

Machine a tocs dopo vê centrât in plen un cierf di 180 chilos, ma cence che la vuidadore e vedi patît lesions. L’incident al è sucedût sul cricâ dal dì, dilunc de ex provinciâl 31 a Budoie, ae altece de Wilmer. Une citadine americane e jere daûr a passâ cuant che, al improvîs, si è cjatade di front l’animâl salvadi saltât fûr de zone boschive dongje. L’impat al è stât trement.

L’animâl, tirât dongje dal Centri di recupar faune salvadie, al è muart sul colp, intant che l’auto e je lade distrute, ma la conducente no si è fate nuie in maniere miracolose. (A.D.G.) – 13.02.2023