Mâl fatâl par un om di Gonârs, intant che al jere ae vuide dal so auto

Mâl fatâl intant che al jere ae vuide par un anzian di 81 agns di Gonârs. L’om al è stât cjatât cence vite inte prime serade di îr inte frazion di Ontagnan, dilunc di vie Liberazione dentri de sô veture finide intal fossâl che al disfilie la strade. Sul puest al è stât mandât il personâl sanitari, ma l’om al jere muart di timp e nol è stât pussibil fâ nuie. Sul puest ancje i carabinîrs, ma si pense che la muart e sedi sucedude par causis naturâls. (A.D.G.) – 31.05.2023