Martars prossim ai 12 di Setembar dal 2023 al sarà fat in dut il teritori dal Friûl-Vignesie Julie la prove di IT-alert, il gnûf sisteme di alarme public de Protezion Civîl che al informe in maniere direte la popolazion in câs di emergjencis gravis.
Tor misdì di martars prossim i citadins in Regjon a varan une notificazion sul lôr smartphone che al simularà il messaç che al vignarà inviât in câs di emergjence ae popolazion inte aree interessade di un avigniment straordenari. Il sisteme di alerte al è ancjemò in fase di sperimentazion, cuant che al sarà operatîf si ativarà in câs di maremot gjenerât di un sisme, colàs di une dighe, ativitât vulcaniche, incidents nucleârs, incidents impuartants in implants chimics e in câs di precipitazions intensis e dissescj idrogjeologjics.
La prove e à il fin di compenetrâsi i citadins cul funzionament dal alarme public, sperimentant la interface dal messaç che al sarà rivat e il sun riprodot, che al sarà unic e ricognossibil. (a.d.g.) – 05.09.2023
