Masse alcul intant che a vuidavin, ritiradis lis patentis di vuide

Dôs patentis di vuide a son stadis ritiradis îr di gnot dai carabinîrs. Dilunc dai controi organizâts de Arme par prevignî i incidents stradâi, une patulie dal nucli Radiomobil di Palme e à fat controi a S. Zuan dal Nadison doprant l’etilometri.

Il prin automobilist fermât, un om di 48 agns dal puest, al veve un tas di 0,96 grams par litri di sanc, intant che un secont, 50 agns di Remanzâs, al à fat regjistrâ un valôr di 1,15.

Ducj i doi a son stâts denunziâts par vuide in stât di sturniment, cun ritîr de patente. (a.d.g.) – 09.02.2024