Menacis, ofesis e violencis fisichis sui ospits anzians. E je la acuse cuintri trê operadôrs sanitaris di une cjase di polse dal Lusinç; par lôr il Gip dal Tribunâl di Gurize, su domande de Procure, al à disponût l’arest.
La investigazion dai Carabinîrs dal Nucleo Antisofisticazione e Sanità (Nucli Antisofisticazion e Sanitât) di Udin e jere partide intal Novembar dal 2021, dopo di cualchi segnalazion su anomai e ripetûts ricovars in pront socors di vecjos, ospits propit di une residence sanitarie assistude dal Lusinç. Lis investigazions a àn permetût di documentâ tancj episodis di menacis, ofesis e ancje di violencis fisichis cuintri cualchi ospits de struture sanitarie, ducj intimpâts e indifês stant la mancjance di une lôr autosuficience. (A.D.G.)
