Miârs di personis ancjemò cence aghe di bevi

A son miârs lis personis che di vinars no àn aghe potabile intai Comuns di Cividât, Remanzâs, Muimans e Buri. Par vie dal brut timp, une fontane a Pulfar, doprade dal acuedot Poiana che al furnìs dute la zone, e je stade contaminade di aghe turbide, che po dopo e je jentrade in dut l’implant. L’acuedot al à netât cistiernis e condotis, restaurant ad implen la funzionalitât dal sisteme e di fat, a Cividât, al è za pussibil tornâ a doprâ la aghe dai rubinets, no plui turbide. Dentri de zornade di lunis al varès di jessi controlade e decidude ancje la situazion in chei altris comuns. (A.I.) – 06.11.2023