Monfalcon, a tachin lis analisis des aghis des termis

La aministrazion comunâl di Monfalcon e à consegnât a une dite specializade, la ALS ITALIA SRL, la esecuzion dai campionaments di teren e aghis e la lôr analisi inte aree dongje des termis romanis. Fra Fevrâr e Març si varan a disposizion i risultâts par procedi inte fase di realizazion dal gnûf centri benstâ. “Di chest document – al sclarìs il sindic Anna Maria Cisint – si rivarà a capî il stât di contaminazion dal sît, un fat indispensabil par determinâ la dibisugne, o mancul, di proceduris di bonifiche o di metude in sigurece permanente. La Regjon e à individuât une part dal sît intosseât des termis, di 40 mil metris cuadris, tant che pussibil destinatari dal PNRR e e à otignût un finanziament di plui o mancul 4 milions di euros di dedicâ al recupar de aree”. (A.I.) – 25.01.2023