Muart dopo jessi stât fracât dal tratôr a Verzegnis

No le à à fate Bruno Paschini di Verzegnis, di 69 agns, muart pôc dopo lis 8 di sere di martars ai 18 di Avrîl, intal ospedâl di Tumieç dulà che al jere stât traspuartât in cundizions tant gravis. L’om, intal dopomisdì sul tart, al jere restât sfracaiât dal so tratôr intant che al jere daûr a lavorâ intune aree boschive. L’incident si jere verificât intun trat di strade blancje.
A socorilu, di là di personâl sanitari, a jerin stâts i pompîrs che a vevin rivât a tirâ fûr Paschini e, in spiete de rivade de ambulance e dal elisocors, a vevin scomençât lis manovris di rianimazion. (A.D.G.) – 19.04.2023