Un escursionist austriac di 76 agns al è muart su lis Alps Juliis dopo jessi marcolât par une setantine di metris ae fin dal troi che al va jù de Cime di Terrarossa. La cjadude e je sucedude a plui o mancul 1.800 metris di altitudin, pôc prime de une dopomisdì intal teritori comunâl di Scluse.
Nol è escludût che a causâ la cjadude al sedi stât un mâl. L’om al faseve part di une comitive. A son stâts proprit i siei compagns di viaç a clamâ i socors dopo vê viodût colâ l’amì. Sul puest a son stâts mandâts l’elisocors regjonâl e il Socors alpin cui oms de stazion di Rabil e de Vuardie di Finance.
Dibant lis provis par rianimâ il carinzian. Dopo la autorizazion dal magjistrât, il cadavar al è stât cjapât sù e puartât li des pompis funebris. Lis investigazions a son in cjâf al Socors alpin de Vuardie di Finance. (a.d.g.) – 20.09.23
