Une fieste tra amîs si è trasformade intune tragjedie. Filippo Novello al è svuelat dal setim plan di un apartament, in vie Milano, a Triest, dvie pev gnot, intor aes 2 e mieze.
L’om di 34 agns al jere in compagnie di amîs, che tra chei ancje il fradi, cuant che al è lât fûr su la terace par fumâ. Dopo un pôc, i amîs, no viodintlu tornâ, a son lâts a controlâ, acuarzintsi de cjadude fatâl.
Sul puest il personâl sanitari, che nol à podût fâ altri che constatâ il decès, lis Vuardiis dal fûc e la Polizie di Stât, che e à fat ducj i controi dal câs, cirint di ricostruî il fat.
A son stâts sintûts i presints ae serade, cjapât dentri il fradi, e des primis ricostruzions e je stade escludude la presince di altris personis su la terace al moment de cjadude. Novello al jere nassût a Udin e al jere origjinari di Manzan. (A.D.G.) – 27.01.2023
