La Vuardie forestâl regjonâl dilunc di controi sul teritori e à cjatât une vore di animâi maltratâts o in cundizion di abandon che a son stâts secuestrâts intal Gurizan. A son almancul trê lis operazions fatis par ridusi i patiments des bestiis tignudis mâl. A S. Ganzian un pampagal al è stât cjatât une vore patît e cence la documentazion Cites. Pôc dopo a son stâts secuestrats altris 5 pampagai e un cjan ducj cjatâts in cundizions di salût brutis.
A Cormons i agjents de Forestâl, adun cui carabinîrs e i veterinaris de Asugi, a àn cjatât trê cjans malnudrîts cence dismenteâ cunins e poleçs. Par ultin, a Segrât a son stâts secuestrâts doi cjans lassâts di fûr sot dal maltimp e cence nissun ripâr.
I animâi a son stâts puartâts ai centris di recupar e ai canìs e i proprietaris a son stâts denunziâts. (a.d.g.) – 09.01.2025
