No si ferme la schirie dai incidents su lis nestris stradis

Ancjemò un incident dilunc des stradis dal Friûl, cheste volte a Cjampfuarmit, indulà che une femine e je lade a sbati cuintri di un pâl dal telefon.

Il fat al è sucedût vuê di matine a Basandiele di Cjampfuarmit: une siore ae vuide di une Renault e à pierdût il control de sô auto. La corse de machine e je stade fermade di un pâl dal telefon e il colp al è stât cussì fuart di butâlu ju’. Lis causis dal incident a son sot investigazion, ma la femine e je stade puartade daurman tal pront socors dal ospedâl di Udin. Sul puest i sanitaris dal 118, i Vigjii dal fûc e une patulie de Polizie locâl par gjestî il trafic e fâ i rilêfs. (a.d.g.) – 09.10.2024