Om al cole tornant indaûr da la Mont Dobis e al bat in maniere violente il toraç

Un om di plui o mancul 60 agns resident inte zone di Gurize al è stât socorût intal prin dopomisdì dai socoridôrs de stazion di For di Avoltri dal Socors Alpin e de Vuardie di Finance dopo jessi colât e vê patît un traume. L’om al jere daûr a tornâ indaûr intune cuntune compagne di escursion de cime de Mont Dobis cuant che si è inçopedât dongje de crosere tra i doi trois che a vegnin di Tumieç e di Curiedi, colant a tiere cul toraç. Sul puest il prin a rivâ al è stât un infermîr dal Socors Alpin resident pôc lontan che daurman lu à valutât e stabilizât. L’om, tant duliôs, al è stât sistemât dopo sul bareglot intune cui socoridôrs rivâts intant e traspuartât a spalis dilunc dal troi fin ae strade dulà che a spietâ e jere la ambulance che lu à puartât intal ospedâl di Tumieç. Une desene i socoridôrs intervignûts: l’intervent al è stât fat tra lis 11 e mieze e la une dal dopomisdì. (A.D.G.) – 01.02.2023