155
Incident grâf, intal prin dopomisdì, tor lis 2 e mieze, dilunc de autostrade A34. Un pedon al è muart dopo jessi stât cjapât sot di un veicul. L’incident al è sucedût intal trat tra Gardiscje e Gurize.
Il fat al è ancjemò ogjet di investigazion di bande de Polizie Stradâl, rivade sul puest cui sanitaris dal elicotar, de machine di emergjence mediche e il personâl di Autoviis Venitis, che al à proviodût a sierâ il svincul in jentrade a Gardiscje, in direzion Gurize, e il trat tra Gardiscje e l’aeropuart di Gurize. I socors a son stâts coordenâts dal Centri operatîf autostradâl di Udin. (A.D.G.) – 31.01.2023
