Om cjapât di un mâl salvât di un poliziot di une Volante a Udin

Al è lât jù a tiere, cjapât di un mâl. A prestâ vuê dopomisdì i prins socors a un om di 61 agns al è stât un zovin che, in viâl Europa Unita a Udin, al veve viodût il fat. In chel moment e stave però passant di li une Volante de Cuesture, cun dentri doi poliziots che, capint la gravitât de situazion, a àn tacât daurman lis manovris di rianimazion. In particolâr l’autist, un agjent sempliç che al fâs tant sport, si è sostituît al prin socoridôr, acelerant lis manovris salvevite.

Dal om si è cjapât cure il personâl sanitari rivât pôc dopo, che lu à traspuartât in cundizions gravis li dal ospedâl di Udin. (A.D.G.) – 03.05.2023