Om crot ator pes stradis di Feagne

Al lave ator dal dut crot pe strade a Feagne, cence fâ masse câs ae int che no crodeve a ce che e viodeve.

Cuant che cualchidun al à viodût l’om crot, in confusion, al à daurman clamât lis fuarcis dal ordin.

E je rivade daurman une patulie de Polizie locâl cul jutori di une dai carabinîrs di Cjampfuarmit, che a àn confuartât e judât il puar om che al jere in cure intune struture pe riabilitazion indulà che al è stât puartât. Visade daurman ancje la sô famee. (a.d.g.) – 27.06.2024