32
Un om di 77 agns, rodolât jù par un rivâl par 20 metris intun bosc a Rigulât, al è stât salvât îr di sere di un un citadin che al passave di chês bandis e che, sintint berghelâ il vieli che al domandave jutori, al à clamât daurman i socors
Dopo la clamade al 112, a son rivâts daurman i pompîrs, lis scuadris dal Socors alpin di Sapade e For Davôtri, la Vuardie di finance, une ambulance e ancje l’elicotar.
La operazion di salvament dal om e je lade indenant par plui di une ore, des vot e mieze aes nûf e cuarante di sere: dopo jessi stât metût suntune barele, il ferît al è stât tirât su’ par dopo puartâlu cu la ambulance fin li dal paîs indulà che a spietâlu al jere l’elicotar. (a.d.g.) – 11.10.2024
