Dopo vê ospitât une femine al veve abusât di jê obleantle a vê un rapuart sessuâl e le veve ancje rapinade dai biliets – diviersis desenis di euros – che e scuindeve intal rezipet.
A cinc agns dai fats, un om di 39 agns origjinari de Pulie, di diviers agns resident a Brugnere, al è stât arestât de Scuadre Mobil e puartât inte cjase circondariâl di Pordenon. In preson al varà di espiâ i 10 agns rifilâts tal Mai dal 2021 dal Tribunâl di Pordenon.
La condane e je deventade irevocabile il vinars passât, cuant che la Cort di Cassazion e à declarât inamissibil il ricors proponût dal om. Il puliês, par altri, al è cognossût aes Fuarcis dal ordin dal Friûl Ocidentâl par numerôs reâts precedents cuintri la persone, il patrimoni e pal spaç ilecit di sostancis stupefacentis. (a.d.g.) – 11.09.23
