73
Un om di 72 agns si è fat mâl inte muse intant che al taiave lens dongje de Malghe De Stefano, parsore Navarons. Cun dut dai tais ae muse, l’om, che al è a stâ di chês bandis, al à rivât a clamâ il fi che al à visât daurman il Nue 112.
Sul puest a son rivâts l’elicotar dal socors regjonâl cui infermîrs, judâts dai oms dal Socors alpin di Manià e dai pompîrs di Midun. Une volte metût in sigurece, il ferît al è stât puartât in svol cul elicotar tal ospedâl di Udin in cundizions seris. (a.d.g.) – 03.07.2024
