Om sot di un tratôr a Buie vuê di buinore

Incident pardabon grivi vuê di buinore a Buie, indulà che un om di 72 agns al è restât sot dal tratôr che al stave justant. L’incident al è sucedût intune aziende agricule in vie Cuel di Spie.

Clamâts daurman, i socors a son rivâts cuntune ambulance e l’elicotar che al à puartât l’om che al veve une vore di feridis e roturis tal ospedâl di Udin. Sul puest ancje i carabinîrs di Glemone e i ispetôrs de Aziende sanitarie Friûl centrâl pes investigazions su ce che al è sucedût. (a.d.g.) – 11.11.2024