Omaç a Margherita Hack a 10 agns de muart

Ai 29 di Jugn dal 2013, dîs agns indaûr, e murive Margherita Hack, astrofisiche, divulgadore sientifiche e ativiste, nassude a Florence 91 agns prime e vivude a lunc a Triest. Domenie ai 2 di Lui, l’Imagjinari Sientific de citât – che al torne a vierzi al public dal dì prime – al fasarà un omaç a Margherita Hack, proponint contis e esperiments sul so ambit principâl di ricercje: la spetroscopie stelâr. La spetroscopie, ven a stâi la sience che e misure la intensitât de lûs a diviersis lungjecis di onde, e je stade al centri de vite de Hack e il so plui grant contribût sientific: fondamentâl par jê e pe cognossince che ancjemò vuê o vin su lis stelis. (A.I.) – 29.06.2023