Omicidi îr di sere a Bicinins, indulà che Silvia Comello, di 42 agns, residente a Reane dal Roiâl, e à copât a colps di fuarpiis Stefano Iurigh, di 42 agns.
La femine, dilunc di une barufe dentri la cjase dal om in vie Roma, tor lis 21.30, e varès doprât prime lis fuarpiis e daspò acit muriatic. La femine po dopo e à clamât i carabinîrs, confessant di vê copât l’om.
Blocade daurman, la femine no à sclarît ai carabinîrs cuâl che al fos il leam cul om, ancje parcè che e jere in stât di confusion.
No si cognossin lis resons dal omicidi, su chestis a stan investigant i carabinîrs dal Nucleo investigativo di Udin e chei de Compagnie di Palme, coordenâts dal sostitût procuradôr di Udin Andrea Gondolo. La cjase indulà che al è sucedût il fat e je stade metude sot secuestri. (a.d.g.) – 05.05.2024
