Ordenance cuintri dai sbandâts a Pordenon

E je stade firmade vuê di matine dal sindic di Pordenon Alberto Parigi une ordenance par improibî di vendi alcul di puartâ vie e cuintri dai sbandâts che a van ator a disturbâ.

E je improibide fintremai ai 31 di Otubar la vendite di alcolics dopo des 8 sot sere e il bevi intes areis publichis dilunc dute la zornade.

Par meti a puest la situazion dentri de citât e fâle plui sigure, a saran aumentâts i assegnâts par tignî sot control ce che al sucêt (steward) e ancje il numar dai agjents des fuarcis dal ordin. Cui che al disturbe al podarà jessi slontanât de citât e lis multis a van di 50 fin a 500 euros. (a.d.g.) – 18.07.2024