Pakistan cjapât dai financîrs intant che al spaçave a Pordenon

Un pakistan di 33 agns al è stât arestât dai oms de Vuardie di finance intant che al spaçave droghe intun parc public a Pordenon.

Il fat al è sucedût joibe passade ai 14 di Novembar dilunc di un servizi di control. I agjents, metûts in suspiet dal fâ gnervôs dal om, i son lâts daûr e lu àn blocât intant che al cirive di meti sot tiere, doprant i pîts, un belancin.

Cuant che lu àn percuisît, i àn cjatât intor 16 grams di cocaine – za pronte in 15 dosis – e un “clap” simpri de stesse droghe involuçade, di là di 585 euros in contants in tai piçul. Dut il materiâl al è stât secuestrât e il pakistan al è stât puartât inte preson di Pordenon su ordin dal Public ministeri. (a.d.g.) – 18.11.2024