Îr e je stade fate la espulsion, cun slontanament dal teritori nazionâl, di un citadin albanês di 39 aigns, cuntune condane a sô cjame par detenzion di stupefacents e tancj precedents.
Il proviodiment al è stât fat dal personâl dal Ufici Imigrazion de Cuesture di Pordenon cun acompagnament al aeropuart di Trevîs e imbarc su svol diret a Tirana.
L’om, za in possès di permès di permanence, intal ultin an al jere stât denunziât par maltrataments in famee, detenzion pai fins di spaç di droghe e robarie. Il Cuestôr al veve aplicât la misure di prevenzion dal avîs orâl e il rigjet de domande di rinovament dal permès di permanence.
Ai 30 di Novembar, il Prefet di Pordenon al à firmât il decret di espulsion, validât dal Judiç di Pâs. (ADG) – 2.12.2022
