Passaç di confin blocât par cause di une betoniere

Chel che un timp al jere il passaç di confin di Salcan, tra Gurize e Nova Gorica, al restarà sierât parcè che une betoniere, vuê di matine, pôc dopo des 11, e je lade a fracâsi sot dal puint de ferovie che si cjate in Slovenie, intun puest indulà che e je improibide la circolazion a mieçs che a àn une altece massime di plui di 3-4 metris.

Il puint al à patît dams e cumò al varà di jessi metût in sigurece.

Par chest motîf e je stade improibide la circolazion dilunc di chê strade. (a.d.g.) – 16.12.2024