Il Pm Lucia Terziariol e à domandât vuê di matine dilunc de udience preliminâr par omicidi colpôs denant dal judiç pe udience preliminâr Carlotta Silva, condanis par 5 agns e cuatri mês di preson e un patizament par trê agns di preson pe muart di Lorenzo Parelli, il zovin di 18 agns, student dal Bearzi, copât di un incident li de Burimec di Lauçac tal so ultin di’ di stage inte aziende metalmecaniche.
La tragjedie e je sucedude ai 21 di Zenâr dal 2022: Lorenzo e un dipendent de aziende a stavin lavorant suntun machinari cuant che un toc di fier di 150 chilos al è colât sul zovin. Tal procès a son imputâts, di la’ de aziende cul rapresentant legâl Pietro Schneider, ancje Claudio Morandini, l’operari che in chê zornade al stave lavorant cul student e il tutor aziendâl Emanuele De Cillia: ducj e trê a àn di rispuindi di omicidi colpôs, violazion des normis di sigurece e mancjance di control.
La decision dal Gup e varès di rivâ ae fin dal mês. (a.d.g.) – 15.10.2024
