Percuisizions dai carabinîrs a rivuart des iregolaritâts intes taulis scolastichis

Des primis oris di cheste matine, in Friûl e intes provinciis di Padue e Milan, i Carabinîrs dal Nucleo antisofisticazione e Sanità (Nas) di Udin, judâts da coleghis dai Comants provinciâi, a la fin di une prime fase des investigazions coordenadis de Procure de Republiche di Udin, a son daûr a fâ percuisizions su diviersis personis che, a diviers titul, a colaborin cuntune societât di ristorazion coletive multinazionâl che in apalt e à furnît a diviers Comuns dal Friûl Vignesie Julie il servizi di ristorazion intes scuelis de infanzie.

I reâts ipotizâts a son di inadempiment e fraude intes furniduris publichis, inte forme ingriviade vint par ogjet sostancis alimentârs. (A.D.G.) – 30.06.2022