Persone cjapade sot sui binaris, ralentament fuart dai trens

La circolazion feroviarie su la linie Vignesie-Triest e à patît ralentaments fuarts inte matinade di vuê, martars ai 2 di Mai, pal invistiment di une persone tra lis stazions di San Donà di Piave e Quarto d’Altino.

Sul puest a son intervignudis lis fuarcis dal ordin e a son in cors i aciertaments de autoritât judiziarie.

Sedi i trens de Alte Velocitât, sedi i colegaments regjonâi a son stâts coinvolts dai ralentaments. Doi trens a son stâts soprimûts.

Il convoi coinvolt intal incident al è il tren Alte Velocitât FR9712 Trieste-Torino. Dentri – al à riferît Trenitalia – a jerin 249 passizîrs. (A.D.G.) – 02.05.2023