Pezzarini al mole la presidence des Pro Loco

Dopo 12 agns al finìs il tierç mandât come president dal Comitât regjonâl de Unione nazionale Pro Loco di Valter Pezzarini. Sabide ai 23 di Març a Codroip al sarà elet il so sucessôr. Pezzarini al jere deventât president intal 2012, ma il so lavôr a pro dal Mont des Pro Loco al larà indenant: “O restarai a disposizion dal gnûf president e dal gnûf consei se e cuant che a varan bisugne de mê esperience, ma cence incarghis uficiâls. O lassi di fat une organizazion che in chescj 12 agns e je cressude e deventade fuarte, tant che e pues lâ indenant cu lis sôs gjambis ancje cui gnûfs dirigjents che al è just che a fasin lis lôr sieltis. Come che o dîs simpri, lis personis a cambiin, lis Pro Loco a restin”. (a.d.g.) – 15.03.2024