Il progjet di ricualificazion ambientâl e forestazion dal Grup Crai al jentre intal vîf. In graciis dal impegn cjapât de imprese, a saran in dut cuasi 6.000 lis gnovis plantis in 16 areis su dut il teritori nazionâl. Ducj i progjets a son fats intal ambit de campagne Mosaico Verde, promovude di AzzeroCO2 e Legambiente, che e à l’obietîf di ricualificâ lis areis verdis e tutelâ i boscs esistents.
Tacant dai 15 di Dicembar intal Comun di Pordenon a son stâts metûts 400 arbui. L’intervent al è stât realizât inte part Est dal comun, no lontan des rivis dal flum Nunciel e dongje de zone industriâl de citât. Lis plantis sieltis a son dutis speciis autoctonis resistentis al intosseament tant che il rôl, l’olm minôr e il cjarpin. (a.d.g.) – 21.12.2023
