Il Comun di Udin al à decidût di meti bêçs siei tal Font pai fits che al jude lis fameis par paiâ i fits. Fintremai vuê il jutori ai nuclis familiârs al jere garantît nome cun fonts mandâts de Regjon Friûl-Vignesie Julie. La aministrazion e à ricognossût la impuartance di rinfuarcî lis misuris di jutori sociâl e cussì e à stanziât 500 mil euros par slargjâ il nivel dai contribûts che a vegnin dâts.
Il Font pai fits, viert a nivel talian cu la leç 431 dal 1998 e regolât a nivel regjonâl de leç 1 dal 2016, al previôt che a sedin dâts contribûts par paiâ i fits aes fameis che par chês il fit al pese sul lôr Isee par almancul il 14% te prime fasse o pal 24% pe seconde fasse. Il bant pe assegnazion dal contribût al ven publicât ogni an dal Comun di Udin. (a.d.g.) – 31.01.2025
