A mancjin trê dîs ae adunade nazionâl dai alpins a Udin e dut al procêt cemût che al jere stât organizât. Definît ancje il plan di potenziament dai servizis di traspuart: autobus e trens speciâi. La Regjon, viodût il numar straordenari di partecipants che al varès di rivâ par lâ daûr dal avigniment, e à definît un plan di potenziament dai servizis dal traspuart public locâl: 3.642 corsis zontadis di rinfuarç ai servizis dai bus urbans e extraurbans di vinars ai 12 a domenie ai 14 di Mai, bus spuele pal colegament dai parcs periferics par auto e bus turistics (clamâts “hub”) cul centri de citât di Udin. Il sisteme feroviari al previôt in dut 122 trens straordenaris, che si zontin ai 115 ordenaris, plui lis 18 corsis zontadis tra Udin e Cividât. (A.I.) – 08.05.2023
219
