Il disvilup de economie in Italie al è metût in pericul dal sbassament demografic: za vuê lis aziendis no cjatin plui zovins di assumi, e intes scuelis a son simpri mancul fruts. Par invertî la tindince e covente jessi atratîfs. Al è cetant che al à metût neri su blanc il rapuart 2022 de Fondazione Nord Est presentât vuê inte Tor di Sante Marie a Udin, inte suaze di une cunvigne dal titul “Il futuro sta passando”, promovude in colaborazion cun Confindustria di Udin. I numars a disin che la aree cul Friûl-Vignesie Julie e continue a jessi dinamiche a pet dal rest de Italie, ma il tiessût produtîf al à pierdût in mancul di vincj agns il 16,7% des unitâts impleadis intes ativitâts di manifaturis. Secont Gianpietro Benedetti, il president di Confindustria di Udin, “lis gnovis gjenerazions a son simpri mancul disponibilis a fâ cierts lavôrs, si che duncje bisugne regolâ la imigrazion cualificade e inzornâ la scuele”. (A.I.) – 20.02.2023
212
