Poiis aes curis par cui che al à plui di 65 agns a Buri

Prestazions sanitariis sul teritori a coscj contignûts par cui che al à plui di 65 agns. Al sucêt a Buri, in graciis dal acuardi tra la Fondazion Luigi Danieli e Friuli Coram, la struture sanitarie privade che di 50 agns in ca e opare in Friûl-Vignesie Julie. Lis personis che a podaran usufruî des oportunitâts a son plui o mancul 1.200, ven a stâi cuasi un tierç de popolazion dal Comun. “A front di listis di spiete simpri plui lungjis de dibisugne di vê rispuestis prontis par une prevenzion valide, il teritori al à bisugne di rispuestis di cheste sorte” – al sotlinee Eliano Bassi, membri dal Consei di aministrazion de Fondazion Danieli, miedi e sindic di Buri. Par acedi aes prestazions di Friuli Coram, esams o visitis specialistichis, i residents di Buri a varan di domandâ al miedi o ae segretarie de Fondazion par fissâ l’apontament: il cost al sarà il 30% di chel previodût de struture e no plui di 50 euros. (A.I.) – 28.03.2023