Pompîrs in azion a Clausêt par un bed&breakfast a fûc

Al è stât forsit un cort circuit a fâ impiâ un fûc pardabon fuart îr sore sere a Clausêt.

Tor 8 e mieze i pompîrs di Pordenon a son rivâts adun cun scuadris dai distacaments di Spilimberc e Manià par studâ lis flamis che a vevin cjapât la struture dal bed&breakfast Villa Borgo Murs.

Lis operazions a son stadis cetant impegnativis e a son ladis indenant par une vore di timp, ancje parcè che in chel puest i pompîrs no podevin rivâ cun mieçs masse grancj e no podevin nancje doprâ la autoscjale.

Par studâ lis flamis e je ancje stade doprade la aghe de pissine dal b&b. (a.d.g.) – 04.09.2024