Preson di Tumieç, e je chê plui plene di Italie

La preson di Tumieç e je l’istitût penitenziari plui plen in Italie. Lu fâs savê la associazion Antigone intal XIX rapuart su lis cundizions di detenzion intal nestri Paîs.

A nivel di istitûts – e aferme la associazion – i valôrs efetîfs plui alts si regjistrin a Tumieç (190%), a Milan San Vittore (185,4%), a Varese (179,2%) e a Bergamo (178,8%).

In complès il Friûl-Vignesie Julie al evidenzie – simpri secont Antigone – situazions di soreafolament dai istitûts penitenziaris fra lis piês in Italie, metintsi al tierç puest cuntun tas di ingrumament dal 135,9%. A vegnin prime dome la Lombardie, dulà che il soreafolament al è dal 151,8%, e la Pulie (145,7%). (A.D.G.) – 30.05.2023